❗ ПАРАДАК КАЛЯ ПОМНІКА АХВЯРАМ ФАШЫЗМУ НА ПРАВАСЛАЎНЫХ МОГІЛКАХ НАВЯЛІ ВУЧНІ СШ №1 імя ЧБВА

 

На праваслаўных могілках г. Пружаны размешчаны помнік ахвярам фашызму, каля яго падножжа – больш за 80 пліт з сумным, але ганаровым надпісам «Невядомы салдат».

 

Па добрай традыцыі за парадкам на гэтым святым месцы сочаць старшакласнікі СШ №1 г. Пружаны імя ЧБВА. Вось і сёлета вучні 10-га класа разам са сваім класным кіраўніком, членам РГА «Белая Русь» Раісай Чарняўскай навялі парадак каля помніка і там, дзе навекі захоўваецца памяць пра невядомых салдатаў.

 

Працавалі вучні з поўнай адказнасцю, разумеючы важнасць і значнасць памяці пра гераізм воінаў Вялікай Айчыннай вайны.